પરિવર્તન

પુરાણકથાઓ

આકર્ષક વાઘા સજીને

જેવી મારી અંદર પ્રવેશેએવા જ સકલ દેવ

પાણીદાર આયુધો ઉલાળતા-

રસ્તા ગજાવતા –

હાકલા પડકારા કરી

મારી ગલીકૂંચીમાં આંધળી દોટ મૂકે.

વાંકી ચાલ

સંતાતા જતા અસૂરોના પકડદાવમાં

હું બની જાઉં

જાણે એમના લડવા માટેની

વિકરાળ યુદ્ધભૂમિ.

આવી ભાગ-દોડ ,

ચિચિયારી – મારકૂટને ઝીલતો

રોજ વળી કેટકેટલીવાર સરખી કર્યા કરું હું

વેરવિખેર થઇ જતી મારી જાતને?

આજે મેં

ચિત્ત પર ફરરર ફરરર ડસ્ટર ફેરવવા માંડ્યું છે.

હાશ!

હવે સ્લેટ કોરીકટ્ટ !

૩.૦૧.૧૯૯૬