ભગાકાંડ નામપર્વ ब

આમ તો ભાગો

રોજ 

ગડમથલ કર્યા કરે,

પણ કેમેય

એનું નામ

સરખું ગોઠવાય જ નહીં !

જો કે

મથામણ મૂકે તો એ ભગો શાનો?

મનોમન એ

નામની ગિનીઓ ગોઠવે ,

પાડી નાખે .

પાડી નાખે,

ફરી ગોઠવે

ને એકવાર

ગોઠવાતાં ગોઠવાઈ ગયું :

‘ભગવાનદાસ ...ત્રિભોવનદાસ ...’

ભગાને તો ભારે અચંબ.

રાજીનો રેડ ભગો

મનમાં હ..હ..હ..કરતો હસી પડ્યો.

ગાલે આંગળી ટેકવી

ટગર ટગર ભગો

બે ઘડી હરખાય

ત્યાં જ

ઝાંપેથી પંચાયતનો પગી બર્ક્યો:

‘ભગલા... તભલા...’

ભગા ઉપર

ઓચિંતો

જાણે કાટકો પડ્યો !!!

૨૪.૦૪.૧૯૮૯